„Ég er búinn að taka púlsinn á okkur fjölmiðlamönnum og ég held að ég sé einn af fáu sem spái því að við komumst áfram. Ég held að við vinnum leikinn á morgun, það er ekki sama hvernig við gerum það en ég sé fyrir mér að við vinnum leikinn 3-1 og leikur Argentínu og Nígeríu endi með jafntefli, annað hvort 0-0 eða 1-1 og þar með ætti 16-liða úrslita sætið að vera tryggt," sagði Guðmundur sem segir íslenska liðið eiga helling inni frá síðasta leik.

„Seinni hálfleikurinn fór illa hjá okkur en á morgun vita strákarnir að það er allt undir. Ég reikna með því að Heimir stilli upp sama liði og hann gerði gegn Argentínu. Það eru allar líkur á að Jói sé klár og þar með held ég að hann vilji nota þá leikmenn sem hann notaði gegn Argentínu."

„Á meðan er Króatía komnir áfram og það kemur ákveðin slökun þegar maður er kominn áfram, þó svo að nýir leikmenn fái tækifærið til að koma inn og sýna sig þá held ég að við hittum á leikinn á morgun og tökum þetta," sagði Guðmundur.

Í viðtalinu við Guðmund hér að ofan ræðir hann um leik Nígeríu og Argentínu sem fer fram á sama tíma og ruglið sem er í herbúðum Argentínu.