Snæfell tók á móti Skautafélagi Reykjavíkur í eina leik kvöldsins í 4. deild karla.

Gestirnir úr Laugardalnum komust í þriggja marka forystu á fyrsta hálftíma leiksins, þar sem gamla kempan Hjörtur Júlíus Hjartarson var meðal markaskorara.

Brynjar Vilhjálmsson og Leó Örn Þrastarson minnkuðu muninn með tveimur mörkum á tveggja mínútna kafla í upphafi síðari hálfleiks og leikurinn opinn á ný.

Það var Jóhann Vignir Guðmundsson sem innsiglaði sigur SR með síðasta marki leiksins á 78. mínútu.

Snæfell er með eitt stig eftir jafntefli við Björninn í fyrstu umferð. Þetta var fyrsti deildarleikur SR í sumar.