Liverpool tryggði sér sinn fyrsta úrvalsdeildartitil frá stofnun deildarinnar (1992) þegar Chelsea lagði Man City að velli á Stamford Bridge í gær.

Man City vann úrvalsdeildina í fyrra og hafa liðsmenn ekkert á móti því að standa heiðursvörð. Óljóst er hvort úrvalsdeildin muni leyfa það vegna reglna varðandi Covid-19.

Til dæmis mega leikmenn ekki ganga inn á völlinn hlið við hlið, takast í hendur eða fagna mörkum eins og áður.

Fjölmiðlar á Englandi herma að Man City muni ráðfæra sig við yfirvöld áður en ákvörðun verður tekin. Megi þeir ekki standa heiðursvörð ætla þeir að láta sér detta eitthvað annað í hug til að sýna nýju meisturunum þá virðingu sem þeir eiga skilið.