Lestu um leikinn: Afturelding 2 -  0 Víkingur R.

Sesselja Líf Valgeirsdóttir fyrirliði Aftureldingar var eðlilega ánægð að leikslokum.

„Bara ógeðslega ánægð, bara ógeðslega stollt af frammistöðunni og við gerðum allt það sem við ætluðum að gera og þetta heppnaðist bara svakalega vel."

Aftureldingarstúlkur óðu í færum og hefði leikurinn hæglega getað farið stærra og var Sesselja ánægð með spilamennsku liðsins.

„Já, svakalega, ég hef bara ekkert út á þetta að setja, við hefðum geta klárað færin betur, þetta voru bara tvö virkilega góð mörk og virkilega vel unnið."

Afturelding tapaði í 0-2 í fyrstu umferð deildarinnar gegn Tindastól og var Sesselja ánægð með hvernig liðið kom til baka í kvöld.

„Við erum ógeðslega ánægðar með það, fyrsti leikur þetta var ekki alveg eins og við ætluðum að byrja en ætluðum bara að svara því núna og mér fannst við gera það virkilega vel."

Sesselja var spurð út í markmið liðsins í sumar og segir hún að stefnan sé auðvitað að reyna fara upp

„Við ætlum bara að reyna enda sem efst, og taka einn leik í einu. Það er náttúrulega markmiðið að reyna að komast upp."

Kaela Lee Dickerman spilaði frábærlega í liði Aftureldingar í kvöld og Sesselja var ánægð með hennar frammistöðu í kvöld.

„Já, alveg hrikalega hún sprengdi gjörsamlega upp vörnina hjá þeim og ég er bara hrikalega sátt með hana."

Viðtalið í heild sinni má sjá í spilaranum hér að ofan