De Bruyne skoraði tvö og lagði upp eitt í 5-0 sigri Man City á Norwich í lokaumferð deildarinnar í dag.

Hann var í heildina með 20 stoðsendingar og skoraði 13 mörk en hann jafnaði stoðsendingamet Thierry Henry í deildinni.

Henry lagði upp 20 mörk fyrir Arsenal tímabilið 2002-2003 ásamt því að skora 24 mörk.

Þá fékk brasilíski markvörðurinn Ederson gullhanskann í ár. Hann spilaði 35 leiki, fékk 28 mörk á sig og hélt hreinu 16 sinnum. Nick Pope, markvörður Burnley, var í baráttunni við hann fram að lokaumferðinni en Pope hélt hreinu 15 sinnum.