Það er spurning hvort þetta hafi verið síðasti deildrleikur Gylfa fyrir Everton þar sem hann hefur verið harðlega gagnrýndur fyrir frammistöðu sína á tímabilinu.

Eftir að Carlo Ancelotti tók við Everton var Gylfi færður aftar á völlinn og hefur hann verið að spila sem djúpur miðjumaður seinni hluta tímabilsins.

Talað var um það í apríl að Everton væri að íhuga að selja Gylfa, sem verður 31 árs á árinu. Gera má hins vegar ráð fyrir því að það verði ekki eins mikið um að vera á félagaskiptamarkaðnum í sumar og venjulega í ljósi kórónuveirufaraldursins.