Lestu um leikinn: Breiðablik 5 -  3 ÍA

Hrafnkell Freyr Ágústsson úr hlaðvarpsþættinum Dr. Football setti inn Twitter færslu fyrir leik um að Bjarki Steinn Bjarkason væri á leið til Venezia á Ítalíu. Hvað hafði Jói Kalli að segja um það?

„Ég get því miður ekki staðfest það. Ég veit alveg að það er áhugi á Bjarka en ég er ekki rétti maðurinn til að staðfesta það, það er framkvæmdarstjóri félagsins sem sér um þessi mál en þú verður bara spyrja hann að því."

ÍA liðið hefur verið mikið upp og niður á þessu tímabili. Telur Jói Kalli að það sé of mikill óstöðugleiki í leik Skagamanna?

„Já það er alveg klárt, við viljum gera betur. Við höfum líka tapað þremur leikjum 2-1, leikjum sem mér finnst við hafa átt eitthvað skilið úr, en jú það er klárt mál við við þurfum að sýna meiri stöðugleika ef við ætlum að klifra upp töfluna og laga hluti. Við erum í þessu við þjálfararnir til þess að sinna þessu og laga þessi hluti sem þarf að laga til þess við getum farið að taka næstu skref og bæta okkur, við erum að bæta okkur sóknarlega alveg helling en við þurfum að bæta okkur varnarlega líka."

Viðtalið má sjá í heild sinni hér fyrir ofan.