sun 26. júlí 2020 20:00
Guðmundur Aðalsteinn Ásgeirsson
Tyrkland: Theódór Elmar ekki upp í úrvalsdeild
Theódór Elmar Bjarnason.
Theódór Elmar Bjarnason.
Mynd: Fótbolti.net - Hafliði Breiðfjörð
Theódór Elmar Bjarnason spilaði allan leikinn fyrir Akhisarspor sem tapaði í umspilinu um sæti í tyrknesku úrvalsdeildinni.

Eftir 3-3 jafntefli á útivelli gegn Fatih Karagümrük í síðustu viku, þá átti Íslendingalið Akhisarspor heimaleikinn í kvöld. Hann fór því miður ekki vel fyrir þá.

Erik Sabo skoraði eina mark leiksins þegar tæpar 20 mínútur voru eftir af venjulegum leiktíma.

Elmar og félagar þurfa því að gera sér það að góðu að vera áfram í B-deild á næstu leiktíð.

Elmar er 33 ára gamall og á hann eitt ár eftir af samningi sínum í Tyrklandi.
Athugasemdir
banner
banner
banner
banner
banner