Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 26. júlí 2022 17:20
Elvar Geir Magnússon
Fjórir í banni þegar KA og KR mætast á Akureyri
Hallur Hansson hefur safnað fjórum gulum spjöldum.
Hallur Hansson hefur safnað fjórum gulum spjöldum.
Mynd: Fótbolti.net - Hafliði Breiðfjörð
Ellefu leikmenn úr Bestu deild karla voru úrskurðaðir í leikbann á fundi aganefndar KSÍ í dag. Davíð Ingvarsson í Breiðabliki er þar á meðal en hann fékk umtalað rautt spjald gegn FH á dögunum og tekur út leikbann þegar Blikar leika gegn Skagamönnum eftir viku.

Sindri Kristinn Ólafsson, markvörður Keflavíkur, fékk rautt í tapleiknum gegn KA á sunnudag og tekur út bann í Þjóðhátíðarleiknum gegn ÍBV á laugardaginn.

Þá fengu níu leikmenn bann fyrir uppsöfnuð gul spjöld, þar á meðal Alex Freyr Elísson í Fram sem verður í banni gegn Stjörnunni á miðvikudaginn í næstu viku. Markaskorarinn Guðmundur Magnússon spilar heldur ekki þann leik þar sem hann hefur safnað fjórum gulum spjöldum.

Alls verða fjórir í banni þegar KA og KR mætast á Akureyri eftir viku, tveir úr hvoru liði. Það eru Bryan Van Den Bogaert og Ívar Örn Jóns­son úr KA og Hallur Hansson og Ægir Jarl Jónasson úr KR.

Steven Lennon verður í banni þegar FH heimsækir Val á miðvikudaginn í næstu viku. Arnór Smárason og Birkir Heimisson taka út bann hjá Val.

Í bann í Lengjudeildinni:
Eftirtaldir leikmenn voru dæmdir í eins leiks bann í Lengjudeildinni vegna uppsafnaðra áminninga: Nikulás Val Gunnarsson (Fylki), Kairo Asa Jacob Edwards-John (Grindavík), Óliver Dagur Thorlacius (Gróttu), Björn Þorláksson (KV), Danijel Majkic (Selfoss), Gonzalo Zamorano (Selfoss).

Í bann vegna brottvísunar: Ívar Örn Jónsson (HK), Sverrir Páll Hjaltested (Kórdrengir).
Stöðutaflan
  L U J T ms: mf: mun Stig
0 0 0 0 0 0 0 0 0
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner
banner