Reynir Sandgerði og KV áttust við í mikilvægum leik í 2. deild karla og var staðan markalaus í leikhlé.

Grímur Ingi Jakobsson tók forystuna fyrir KV snemma í síðari hálfleik en Ivan Prskalo jafnaði fyrir heimamenn.

Magnús Sverrir Þorsteinsson kom Reynismönnum yfir á 76. mínútu og bætti Kristófer Páll Viðarsson tveimur mörkum við er KV reyndi að sækja jöfnunarmark á lokakaflanum.

Þetta tap er skellur fyrir KV sem hefði komist aðeins einu stigi frá toppliði Vogamanna með sigri. Þess í stað er KV áfram í öðru sæti með 34 stig, en Völsungur getur tekið sætið með sigri gegn toppliði Þróttar um helgina.

Reynismenn sigla lygnan sjó um miðja deild, með 26 stig eftir 19 umferðir.