Heimild: RÚV 

Íslenski sóknartengiliðurinn hefur verið til rannsóknar hjá lögreglunni í Manchester síðan í júlí en hann hefur ekki æft né spilað með Everton síðan.

Hann er í tímabundnu banni hjá Everton á meðan rannsóknarferlið er í gangi en Arnar Þór ræddi við RÚV um stöðuna á Gylfa.

„Ég hef ekki heyrt í Gylfa. KSÍ hefur verið í sambandi við Gylfa og hann er ekki í hópnum akkurat fyrir þennan glugga. Sjáum hvernig staðan verður í næsta mánuði eða nóvember eða í framtíðinni," sagði Arnar við RÚV.

„Ég veit hver hefur haft samband við hann og hans fólk en það skiptir svosem engu máli. Ég er að velja landsliðshópinn fyrir septembergluggann og það er það eina sem skiptir máli," sagði hann í lokin um málið.