„Þetta var hörkuleikur. Þeir skoruðu ekki fyrr en Siggi Bond kom af bekknum og fékk vítaspyrnu," segir Sverrir Mar Smárason í Ástríðunni þegar rætt er um sigur toppliðs 2. deildarinnar, Þróttar Vogum, gegn Leikni Fáskrúðsfirði.
Staðan í leiknum var lengi markalaus en Þróttarar brutu loks ísinn á 81. mínútu þegar Sigurður Gísli Snorrason, þekktur undir nafninu Siggi Bond, skoraði úr víti.
Staðan í leiknum var lengi markalaus en Þróttarar brutu loks ísinn á 81. mínútu þegar Sigurður Gísli Snorrason, þekktur undir nafninu Siggi Bond, skoraði úr víti.
„Hann var ekki búinn að æfa neitt fyrir leikinn og var eineygður í leiknum. Hann var með sýkingu í auganu og sá ekkert með því. Þess vegna var hann á bekknum," segir Gylfi Tryggvason.
„Pældu í að vera eineygður og koma inn í fótboltaleik og taka vítaspyrnu í stöðu 0-0. Eins og það sé bara eðlilegt."
„Ég held að Bondarinn geti tekið víti blindandi," segir Óskar Smári Haraldsson.
Þróttur Vogum vann leikinn á endanum 2-0 og er á toppnum með 38 stig, það eru fimm stig niður í Völsung sem er í þriðja sætinu.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir