Endurheimtum ekki fjórða Evrópusætið
Mikið hefur verið rætt um að dapur árangur íslenskra félagsliða í Evrópuleikjum gerði það að verkum að Ísland fór niður í „ruslflokk" og missti eitt af Evrópusætum sínum.
Ísland var með fjögur sæti í Evrópukeppnum en í dag eru aðeins þrjú í boði, tvö í gegnum Pepsi Max-deildina og eitt til sigurvegara bikarsins.
Vonast var eftir því að góður árangur Breiðabliks í forkeppni Sambandsdeildarinnar myndi hjálpa Íslandi að endurheimta fjórða Evrópusætið en svo varð ekki.
Ísland var með fjögur sæti í Evrópukeppnum en í dag eru aðeins þrjú í boði, tvö í gegnum Pepsi Max-deildina og eitt til sigurvegara bikarsins.
Vonast var eftir því að góður árangur Breiðabliks í forkeppni Sambandsdeildarinnar myndi hjálpa Íslandi að endurheimta fjórða Evrópusætið en svo varð ekki.
Lincoln Red Imps frá Gíbraltar og Flora Tallinn frá Eistlandi tryggðu sér sæti í riðlakeppni Sambandsdeildarinnar í kvöld.
„Íslensk félagslið hafa fallið um eitt sæti frá í fyrra á styrkleikalista UEFA þrátt fyrir góðan árangur Blika. Lið frá Gíbraltar og Eistlandi komin í riðlakeppni Conference League. Það verður því aftur keppt um aðeins þrjú Evrópusæti næsta sumar," skrifaði Haraldur Haraldsson, framkvæmdastjóri Víkings og fyrrum formaður ÍTF, á Twitter.
Íslensk félagslið hafa fallið um eitt sæti frá í fyrra á styrkleikalista UEFA þrátt fyrir góðan árangur Blika. Lið frá Gíbraltar og Eistlandi komin í riðlakeppni Conference League. Það verður því aftur keppt um aðeins þrjú Evrópusæti næsta sumar. #fotboltinet
— Haraldur Haraldsson (@HarHaralds) August 26, 2021
Athugasemdir
