Noni Madueke er efnilegur leikmaður
Enski vængmaðurinn Noni Madueke mun ekki fara frá PSV Eindhoven í sumar. Hann ákvað að framlengja samning sinn til 2025 í stað þess að fara aftur til Bretlandseyja.
Madueke er 19 ára gamall og uppalinn í Tottenham en ákvað að fara til Hollands til að fá meiri leikreynslu.
Hann skoraði 9 mörk í 32 leikjum í Hollandi á síðustu leiktíð og byrjar með látum á þessu tímabili.
Madueke hefur skorað 6 mörk í 8 leikjum til þessa og hefur verið orðaður við Leicester og Tottenham.
Hann ákvað þó að sýna PSV hollustu sína og framlengja til ársins 2025 og fer því ekkert í sumar.
Athugasemdir
