Sævar skoraði sitt fyrsta mark fyrir félagið fyrir rúmri viku síðan, í 4-2 sigri á Fremad Amager.

Sævar Atli var í dag í skemmtilegu viðtali á samfélagsmiðlum Lyngby þar sem kom í ljós að hann hefði gleymt að fagna fyrsta marki sínu með fagninu sem hann tekur alltaf. Sævar tekur alltaf hafnabolta fagn þegar hann skorar en gerði það ekki þegar hann skoraði fyrsta mark sitt fyrir Lyngby.

„Ég ætlaði að gera fagnið mitt sem ég gerði alltaf á Íslandi en svo sá ég stuðningsfólkið og fljúgandi bjórglös, og ég gleymdi því bara. Það var gott að ná fyrsta markinu svona snemma," segir Sævar.

Í viðtalinu kom í ljós að stuðningsmenn Lyngby eru búnir að semja lag um Sævar Atla en það var sungið fyrir hann í viðtalinu.

Hægt er að sjá allt viðtalið hér að neðan. Lyngby hefur farið gríðarlega vel af stað í dönsku 1. deildinni og er á toppnum.

Sjá einnig:
Sævar Atli: Áður en ég vissi af, þá var ég staddur á Keflavíkurflugvelli