Spænska félagið Valencia er búið að ganga frá kaupum á brasilíska framherjanum Marcos Andre frá Real Valladolid. Það var ítalski íþróttafréttamaðurinn Fabrizio Romano sem tilkynnti kaupin á síðu Valencia.
Romano er maðurinn sem fólk leitar til þegar það þarf að komast að félagaskiptum um alla Evrópu en hann heldur einnig úti hlaðvarpi þar sem hann fer yfir stöðuna hjá helstu liðum heimsins.
Valencia fékk hann til að tilkynna kaupin á André, sem er 24 ára gamall, en hann gerði fína hluti með Valladolid á síðustu leiktíð.
André gerði fimm ára samning við Valencia en tilkynningu má sjá hér fyrir neðan.
GET READY! pic.twitter.com/DQJgx8NRnw
— Valencia CF (@valenciacf_en) August 25, 2021
Athugasemdir