KR-ingar voru sendir í sóttkví á fimmtudag og voru í því til mánudags eftir að það kom upp smit hjá KR-ingum.

Þeir hafa ekkert getað æft þessa daga. Leiknum gegn ÍA var því frestað frá sunnudegi til miðvikudags en Kristinn gat ekki verið með vegna veikinda.

Rúnar býst þó við því að hann verði klár í slaginn fyrir leikinn gegn Leikni.

„Kiddi er veikur og ætti að vera klár á föstudag eða laugardag. Hann er allur að koma til og við verðum vonandi þess heiðurs aðnjótandi að hafa hann í hóp og æfingu á laugardag og sunnudag fyrir leikinn mikilvæga gegn Leikni," sagði Rúnar í viðtali við Fótbolta.net í gær.