Thiago Silva með fyrirliðabandið
Nýliðar West Bromwich Albion taka á móti Chelsea í ensku úrvalsdeildinni í dag og hafa byrjunarliðin verið staðfest.
Slaven Bilic gerir aðeins eina breytingu eftir 5-2 tap gegn Everton í síðasta umferð þar sem Conor Townsend kemur inn fyrir Kieran Gibbs sem lét reka sig af velli í fyrri hálfleik.
Frank Lampard gerir þrjár breytingar á liðinu sem tapaði fyrir Liverpool þar sem Willy Caballero kemur inn á milli stanganna í stað Kepa Arrizabalaga.
Thiago Silva byrjar þá við hlið Andreas Christensen í hjarta varnarinnar og fær fyrirliðabandið. Tammy Abraham kemur einnig inn í byrjunarliðið í stað Jorginho. Mason Mount færir sig væntanlega niður á miðjuna, Timo Werner fer á kantinn og Abraham verður að öllum líkindum fremsti leikmaður Chelsea í dag.
West Brom: Johnstone, O'Shea, Bartley, Ajayi, Furlong, Livermore, Sawyers, Townsend, Pereira, Diangana, Robinson
Varamenn: Button, Kipré, Field, Harper, Phillips, Edwards, Robson-Kanu
Chelsea: Caballero, James, Christensen, T. Silva, Alonso, Kante, Kovacic, Mount, Havertz, Werner, Abraham
Varamenn: Kepa, Azpilicueta, Tomori, Jorginho, Barkley, Hudson-Odoi, Giroud
Athugasemdir