AC Milan er við það að festa kaup á Jens Petter Hauge, unglingalandsliðsmanni Noregs og skærustu stjörnu í liði Bodö/Glimt sem trónir á toppi norsku úrvalsdeildarinnar.
Alfons Sampsted var í byrjunarliði Bodö/Glimt sem heimsótti AC Milan í undankeppni Evrópudeildarinnar í vikunni og tapaði 3-2. Hauge lagði fyrsta mark leiksins upp og skoraði það seinna fyrir gestina.
Hauge er aðeins tvítugur og hefur gjörsamlega farið á kostum í norska boltanum á tímabilinu þar sem hann er kominn með 14 mörk og 9 stoðsendingar í 17 leikjum.
Það var enginn annar en Erling Braut Haaland, sóknarmaður norska landsliðsins og Borussia Dortmund, sem vakti athygli á frammistöðu vinar sins Hauge fyrr á tímabilinu.
Hauge hefur spilað 46 leiki fyrir yngri landslið Noregs.
.@ErlingHaaland’s friend can really join AC Milan on next few days... 👀🔴⚫️ @433 #Milan #ACMilan https://t.co/kfNhjyxJ7m
— Fabrizio Romano (@FabrizioRomano) September 25, 2020
Athugasemdir