Ísland er í riðli með Hollandi, Tékklandi, Hvíta-Rússlandi og Kýpur og stefnir á að tryggja sér eitt af tveimur efstu sætunum.

Kýpur og Hvíta-Rússland gerðu 1-1 jafntefli í kvöld og var það fyrrnefnda að ná í sitt fyrsta stig. Hvíta-Rússland er með fjögur stig eftir þrjá leiki.

Ísland er með sex stig í öðru sæti en Holland situr á toppnum og hefur leikið fjóra leiki á meðan stelpurnar okkar hafa spilað þrjá.

Leikur Tékklands og Hollands átti að fara fram í kvöld en honum var frestað vegna veðurs.

Mikil snjókoma er í Tékklandi og var því ákveðið að finna betri tíma fyrir þessa viðureign.