Foden er aðeins 20 ára gamall en hann fær nóg að spila undir Guardiola þessa dagana þar sem leikjaálagið er mikið.

Enski landsliðsmaðurinn skoraði í 4-1 sigri á Arsenal í deildabikarnum í miðri viku og gæti leikið gegn Newcastle í kvöld.

„Ungu leikmennirnir eru með ótrúlega orku en á síðasta þriðjungnum fyrir síðustu sendinguna þurfa þeir að róa sig niður," sagði Guardiola.

„Það er orkan fyrir leikmann á þessum aldri, hann vill sigra heiminn og vera mikilvægur."

„Hann verður að skilja þetta en það fylgir reynslunni. Það þýðir ekki að þú þurfir að læra þetta núna, hann hefur enn tíma."