lau 26. desember 2020 17:45
Ívan Guðjón Baldursson
Gabriel missir af næstu þremur leikjum Arsenal
Mynd: Getty Images
Brasilíski miðvörðurinn Gabriel Magalhaes þarf að fara í sóttkví og missir því af næstu þremur leikjum Arsenal.

Gabriel þarf að vera í sóttkví eftir að einstaklingur sem hann umgekkst greindist með kórónuveiruna.

Gabriel fer í tveggja vikna sóttkví og missir því af grannaslagnum gegn Chelsea sem er í gangi núna og næstu leikjum gegn Brighton og West Brom í ensku úrvalsdeildinni. Hann verður því væntanlega klár í slaginn í FA bikarnum gegn Newcastle 9. janúar.

Gabriel gekk í raðir Arsenal í september og hefur verið meðal bestu leikmanna liðsins á arfaslöku tímabili.

Arsenal er aðeins með 14 stig eftir 14 umferðir í ensku úrvalsdeildinni.
Athugasemdir
banner
banner
banner
banner