„Varnarleikurinn og pressan hjá okkur var mjög góð, og þannig verður það að vera gegn Manchester United sem sækir mjög hratt á þig."

Leicester lenti 2-1 undir á 79. mínútu en jafnaði svo metin á 85. mínútu. „Við sýndum hversu sterkt hugarfar við erum með þegar við jöfnum gegn liði sem hefur verið að spila svona vel. Við áttum að minnsta kosti stigið skilið."

Jamie Vardy, sem átti skotið í jöfnunarmarki Leicester, tók í svipaðan streng.

„Enginn vildi tapa, það vildu allir vinna þennan leik. Við spiluðum vel gegn góðu liði og vörðumst vel. Við erum ánægðir með stigið."