lau 27. febrúar 2021 18:20
Sæbjörn Þór Þórbergsson Steinke
Rússland: Arnór, Hörður og Rondon í tapliði gegn grönnunum
Hörðu lék allan leikinn
Hörðu lék allan leikinn
Mynd: Getty Images
Lokomotiv 2 - 0 CSKA
1-0 Vitali Lisakovich ('6 )
2-0 Grzegorz Krychowiak ('41 )
2-0 Nikola Vlasic ('73, klúðrað víti)

Þeir Arnór Sigurðsson og Hörður Björgvin Magnússon voru báðir í byrjunarliði CSKA þegar liðið tapaði gegn grönnunum í Lokotiv í dag. Í byrjunarliði CSKA mátti einnig sjá Salomon Rondon, framherja sem átti góð tímabil í ensku úrvalsdeildinni fyrir ekki svo löngu síðan.

Þetta var fyrsti byrjunarliðsleikur Rondon hjá CSKA frá því hann kom frá Guangzhou í kínversku deildinni í janúar.

Þeir Lisakovich og Krychowiak skoruðu mörk Lokomotiv í fyrri hálfleik. Hörður lék allan leikinn en Arnór fór af velli í hálfleik. Hörður lék í miðverði í fjögurra manna vörn og Arnór lék á vinstri vængnum.

CSKA er í 2. sæti, fimm stigum á eftir toppliði Zenit þegar tuttugu af þrjátíu leikjum þessara tveggja liða er lokið.

Athugasemdir
banner
banner
banner