Mynd: EPA

Mynd: Getty Images

Raya viðurkennir í viðtali að hann hafi hafnað tveimur samningstilboðum frá Brentford því hann sé staðráðinn í því að spila fyrir stórlið sem getur barist um alla stærstu titlana.

„Ég hafnaði einum samningi í fyrra og öðrum í janúar. Þetta voru ekki nægilega góð samningstilboð fyrir mig, það er allt sem ég get sagt," sagði Raya við The Athletic.

„Ég er bara einbeittur að því að spila fótbolta og ég er ekki mikið að velta framtíðinni fyrir mér. Ég er tilbúinn til að virða samninginn sem ég hef við félagið og gæti verið hérna næstu 18 mánuði en það er aldrei að vita hvað gerist í sumar. Brentford fær að ákveða verðmiðann á mér og kannski verður eitthvað félag reiðubúið til að borga. Ég hef engar áhyggjur af framtíðinni.

„Markmiðið mitt er að spila í Evrópukeppni og berjast um titla. Ég vil vinna stærstu titlana, ég hef fulla trú á sjálfum mér."

Tottenha, Manchester United og Chelsea eru meðal félaga sem hafa verið orðuð við Raya á tímabilinu.