Æfingin í morgun fór fram við verulega snjókomu svo völlurinn var skjannahvítur og bættist stöðugt i. Þetta verða að teljast skrítnar aðstæður og þá sér í lagi í landi sem er svo sunnarlega á hnettinum, með landamæri að Íran.

Leikurinn á morgun er annar leikur Íslands í undankeppninni en leikið var fyrir luktum dyrum í Duisburg í Þýskalandi á föstudaginn.

Allt annað verður uppi á teningnum í þetta sinn því það verða 4000 áhorfendur á leiknum. UFEA leyfir 30% nýtingu vallarins en svo veltur það á aðgerðum ríkisins í hverju landi fyrir sig hvort áhorfendur megi vera á leikjum. Það má hér í landi.

Af íslenska liðinu er það annars að frétta að allir leikmenn æfðu á æfingunni í morgun og eru klárir í leikinn. Þó eru tveir leikmenn á hættusvæði því í undankeppni HM þýða 2 gul spjöld leikbann. Kári Árnason og Albert Guðmundsson eru á gulu spjaldi.