Framtíð Cavani er óljós sem stendur en samningur hans við United rennur út eftir einungis nokkra mánuði.

Mario Rebollo, aðstoðarþjálfari Úrúgvæ, telur að það sé best bæði fyrir Cavani og landsliðið að hann komi aftur til Suður-Ameríku.

„Það hjálpar landsliðinu ef Cavani fer til Boca Juniors eða eitthvað þannig lið," sagði Rebello.

„Aðalmálið er að hann spili þar sem honum líður vel og þar sem samkeppnin er góð. Ef hann kæmi nær okkur þá væri það frábært. Það er samt einungis ef honum myndi liða vel með það."

Cavani hefur átt góða rispur með Manchester United í vetur. Hann hefur hins vegar verið töluvert meiddur og þá var hann einnig dæmdur í þriggja leikja bann fyrr á tímabilinu.