Daníel Leó Grétarsson kom við sögu er Blackpool gerði 2-2 jafntefli við Plymouth í ensku C-deildinni í dag.

Daníel Leó stimplaði sig afar vel inn í lið Blackpool en missti af tveimur mánuðum í byrjun árs vegna meiðsla.

Hann er þó búinn að jafna sig og er orðinn faðir og kom inná í sínum fyrsta keppnisleik síðan í janúar í dag.

Staðan var 0-1 fyrir Plymouth þegar Daníeli var skipt inn í hálfleik. Blackpool jafnaði og komst yfir en gestirnir náðu að gera jöfnunarmark í uppbótartíma og urðu lokatölur því 2-2.

Blackpool er í harðri umspilsbaráttu, með 57 stig eftir 35 umferðir.