Reglurnar í dag banna félagaskipti táninga undir 18 ára aldri frá Suður-Ameríku til Evrópu. Evrópsk félög geta keypt unga leikmenn frá Suður-Ameríku en félagaskiptin mega ekki eiga sér stað fyrr en eftir átjánda afmælisdaginn.

„Ég skal gefa ykkur upplýsingar beint úr herbúðum FIFA - þeir ætla að leyfa strákum frá 16 ára aldri að skrifa undir samninga við evrópsk félög," sagði Caboclo á fundi með fulltrúum knattspyrnufélaga efstu deilda brasilíska boltans.

„Þetta er að fara að gerast og ætla ég í stríð við forseta FIFA. Ég segi þetta því þetta er staðreynd. Leikmenn munu yfirgefa okkur frá 16 ára aldri."

Fundað var á netinu og fundurinn tekinn upp. Caboclo segir þessa hluti á myndbandi og verður áhugavert að sjá hvernig þessi mögulega erja þróast.