Rosengård og Kristianstad áttust við í risaslag og úrslitaleik um toppsæti riðils 2 í sænska kvennabikarnum.

Glódís Perla Viggósdóttir var í byrjunarliði Rosengård sem komst í þriggja marka forystu í toppslagnum.

Þá vöknuðu lærlingar Elísabetar Gunnarsdóttur til lífsins og skoraði Therese Åsland tvennu fyrir leikhlé til að minnka muninn niður í 3-2.

Hin finnska Jutta Rantala jafnaði fyrir Kristianstad undir lokin en sigurmarkið leit ekki dagsins ljós. Liðin enda því jöfn á stigum á toppi riðilsins en Rosengård kemst áfram á markatölu.

Sif Atladóttir og Sveindís Jane Jónsdóttir eru hjá Kristianstad.