Rússneskir fjölmiðlar greina frá því að Red Bull knattspyrnufjölskyldan muni teygja arma sína til Rússlands í nánustu framtíð, þar sem viðræður eru í gangi um kaup á FC Ufa.
Red Bull hefur verið að gera góða hluti í evrópska knattspyrnuheiminum þar sem RB Leipzig og Salzburg hafa farið mikinn í þýska og austurríska boltanum.
FC Ufa var stofnað árið 2010 og rétt slapp við fall úr efstu deild á síðustu leiktíð. Félagið er staðsett í borginni Ufa, sem er höfuðborg Bashkortostan lýðveldisins, eða Republic of Bashkortostan, skammstafað RB.
Eins og staðan er í dag er Ufa um miðja deild í Rússlandi, með 27 stig eftir 22 umferðir, aðeins fimm stigum frá fallsvæðinu.
Athugasemdir