„Það var frábært að klára leikinn fram í rauðan dauðann," sagði Andri Hjörvar Albertsson þjálfari Þórs/KA eftir 1 - 2 sigur á Tindastóli í kvöld en sigurmarkið kom í uppbótartíma.
Lestu um leikinn: Tindastóll 1 - 2 Þór/KA
„Ég er virkilega stoltur af stelpunum að leggja þessa vinnu á sig og ná í þessi þrjú stig sem voru ógeðslega mikilvæg og sæt."
Sandra Nabweteme kom inná sem varamaður á 70 mínútu og þremur mínútum síðar jafnaði hún metin. Hún skoraði svo líka sigurmarkið en má búast við henni í byrjunarliðinu næst?
„Já hún er allavega að vinna fyrir því. Hún er að standa sig mjög vel á æfingum og leggja sig hart fram. Hún er að komast inn í okkar spilamennsku og okkar hugmyndafræði svo þetta lofar bara góðu."
Athugasemdir
