ÍBV var spáð upp fyrir tímabilið, spáð efsta sæti. Þeir töpuðu hins vegar fyrstu tveimur leikjum sínum gegn Grindavík og Fram. Eftir þessi töp var komin umræða um það hvort sæti Helga Sigurðssonar, þjálfara liðsins, væri orðið heitt.

„Það var búið að leggja þetta upp sem nánast kveðjuleikinn hjá Helga Sigurðssyni," sagði Elvar Geir Magnússon.

„Það var nú svo sannarlega ekki. Þú veist hvernig fílingurinn er þegar þú opnar Bingókúlupoka, bítur í fyrstu kúluna og hún er fullkomnlega mjúk; nýr poki sem gerist eiginlega aldrei. Þannig var líðanin hjá Helga Sig. Hann smjattaði á glænýjum bingókúlum og þeir rústuðu þeim," sagði Tómas Þór Þórðarson.

„5-0 enduðu leikar og þessi sigur hefði getað orðið stærri," sagði Elvar Geir.

„Góðu fréttirnar eru þær líka að Sito og Gonzi skoruðu báðir tvö. Í þessum lélegu leikjum hjá ÍBV voru þeir mestu vonbrigðin. Þegar maður hefur séð þá spila og heyrt af þeim, þá hafa þeir verið rosalega miklir launaseðilskarlar. Það er ekkert málið að líta á nöfnin á blaðinu en þegar þú horfir á leikina þá hafa þeir ekki verið að spila þannig til að komast upp um deild."

„Ég held að Sito og Gonzi viti að þeir eru ekki Pepsi Max spilarar. Ég held að þeir hafi verið alltof kósý í þessu Eyjaliði... þeir voru bara rosa kósý. Veistu hvar erfitt að vera þægilegur? Í liði með Guðjóni Pétri Lýðssyni. Það er erfitt að vera kósý þar... hann er í þessu til að vinna," sagði Tómas.

ÍBV er núna með þrjá stig og verður áhugavert að fylgjast með framvindu mála hjá þeim.

Hægt er að hlusta á útvarpsþáttinn í heild sinni hér að neðan.