Hlutirnir eru að gerast hratt í þjálfaraheiminum og er Antonio Conte á lausu eftir að hafa rúllað upp ítölsku deildinni með Inter.
Conte sagði af sér í ljósi þeirra niðurskurða sem eru framundan hjá ítölsku meisturunum og er hann sagður vera kominn í viðræður við Real Madrid eftir að Zinedine Zidane sagði af sér.
Real Madrid hefur verið orðað við Massimiliano Allegri og Mauricio Pochettino en það er Conte sem er talinn líklegasti arftaki Zidane.
Conte er 51 árs og hefur meðal annars stýrt Juventus, Chelsea og ítalska landsliðinu.
Athugasemdir