„Þetta var hrikalega svart. Ég bara trúi ekki að við höfum tapað þessum leik með hreinum ólíkindum og bara sárt að fá þetta á sig í blálokin og skora svo mark hérna í lokin og ná að jafna. Skiptar skoðanir með það en ég er ekki búinn að skoða það aftur en finnst það mjög undarlegt. “ Sagði Gunnar Magnús Jónsson þjálfari Keflavíkur eftir 1-2 tap hans kvenna gegn ÍBV fyrr í kvöld.
Lestu um leikinn: Keflavík 1 - 2 ÍBV
Það er ákveðin huggun harmi gegn fyrir Keflavík að sóknarleikur liðsins var talsvert frískari í dag en að undanförnu þótt sigur hafi ekki unnist um það sagði Gunnar.
„Já algjörlega. Mér finnst hafa verið stígandi með sóknarleikinn. Sköpuðum okkur mun meira en við höfum verið að gera og vorum oft hættulegar fram á við en náðum ekki að gera nema eitt. “
Talsvert hefur verið rætt um dómgæslu það sem af er móti en skiptar skoðanir voru um hvort um rangstöðu hafi verið að ræða í sigurmarki ÍBV. Um dómgæslun leiksins sagði Gunnar.
„Mér fannst hann frábær í þessum leik dómarinn. Hann dæmdi þetta virkilega vel og líka bara hugarfarið hjá honum og hvernig hann bar sig í leiknum og mér fannst hann bara mjög góður og besti dómari sem við höfum fengið núna í sumar.“
Sagði Gunnar en allt viðtalið má sjá hér að ofan.
Athugasemdir