Einn leikur var á dagskrá í Lengjudeild kvenna í kvöld en þetta var fyrsti leikurinn í fjórðu umferðinni.

HK, sem situr í neðsta sæti deildarinnar, fékk ÍA í heimsókn í logninu í Kórnum.

Aðeins eitt mark var skorað í þessum leik og það gerði Erla Karitas Jóhannesdóttir á 37. mínútu leiksins. Þetta er annar sigur ÍA í sumar og er liðið nú komið í fimmta sæti deildarinnar.

HK er í neðsta sæti með eitt stig úr fyrstu fjórum leikjum tímabilsins.