Ítalinn Enzo Maresca er búinn að yfirgefa Manchester City eftir að hafa tekið við sem yfirþjálfari hjá varaliði félagsins í fyrra. Hann er að taka við stjórnartaumunum hjá Parma sem féll úr Serie A með 20 stig úr 38 umferðum.
Maresca, sem lék meðal annars fyrir West Brom, Juventus, Sevilla og Fiorentina á leikmannaferlinum, hefur áður starfað sem aðstoðarþjálfari hjá Ascoli, Sevilla og West Ham.
Þetta er í fyrsta sinn sem hann tekur við starfi aðalþjálfara meistaraflokks.
Það verður áhugavert að fylgjast með hvort Maresca geti komið þessu sögufræga félagi beint aftur í efstu deild.
Parma féll ásamt nýliðum Crotone og Benevento. Spezia náði að halda sér í efstu deild.
Uppfærsla:
Fregnirnar hafa verið staðfestar af Parma.
Athugasemdir
