Keflavík og ÍBV áttust við í fyrsta leik dagsins í Pepsi Max deild kvenna.

Fyrir leikinn í dag voru bæði lið með þrjú stig í 7 og 8 sæti deildarinnar.

ÍBV byrjaði betur og kom Delaney Baie Pridham liðinu yfir á 17. mínútu. Á 36. mínútu jöfnuðu heimastúlkur leikinn og var þar að verki Aerial Chavarin eftir undirbúning frá Tiffany Sornpao.

Allt leit út fyrir að jafntefli yrði niðurstaðan en það var á 89. mínútu sem sigurmarkið kom. Það gerði Antoniette Jewel Williams fyrir ÍBV og því mjög sætur sigur gestanna staðreynd.

Keflavík kom boltanum í netið í uppbótartímanum en markið var hins vegar dæmt af. Eftir leikinn er Keflavík því enn án sigurs í sumar á meðan ÍBV er komið með sex stig.