Birkir Már Sævarsson sagði frá því í gær, eftir að hafa spilað alla leiki Íslands á HM í Rússlandi, að hann væri klár í leik Vals og Keflavíkur á sunnudag ef krafta hans yrði óskað.
„Ég veit ekki annað en að ég sé að fara að mæta á æfingar. Ég geri ráð fyrir því að það verði æfing ekki á morgun heldur hinn. Ef þeir vilja nota mig verð ég klár," sagði Birkir.
„Ég veit ekki annað en að ég sé að fara að mæta á æfingar. Ég geri ráð fyrir því að það verði æfing ekki á morgun heldur hinn. Ef þeir vilja nota mig verð ég klár," sagði Birkir.
Birkir gekk í raðir Vals síðastliðinn vetur eftir um 10 ára feril í atvinnumennsku í Svíþjóð og Noregi.
Birkir Már hafði spilað í öllum leikjum Vals í Pepsi-deildinni áður en hann fór út til Rússlands. Á meðan Birkir var úti fékk Arnar Sveinn Geirsson hins vegar að spila í hægri bakverðinum og hefur hann staðið sig með mikilli prýði. Arnar Sveinn átti stóran þátt í því að Valur varð Íslandsmeistari í fyrr og miðað við Twitter færslu í gærkvöldi ætlar hann ekki að láta sæti sitt í liðinu auðveldlega af hendi.
„Birkir Már Sævarsson er algjörlega magnaður gaur. Það er varla hægt að finna feilspor hjá honum í þessum þremur leikjum. Svo er það Nettóvöllurinn á sunnudaginn, ef hann kemst í liðið," skrifaði Arnar Sveinn en færsla hans er hér að neðan.
Birkir Már Sævarsson er algjörlega magnaður gaur. Það er varla hægt að finna feilspor hjá honum í þessum þremur leikjum. Svo er það Nettó völlurinn á sunnudaginn, ef hann kemst í liðið. #HMRUV
— Arnar Sveinn (@arnarsveinn) June 26, 2018
Athugasemdir