England mætir Belgíu á morgun.
Enska landsliðið í fótbolta spilar við Belgíu á HM í Rússlandi á morgun í lokaleik sínum í G-riðli, í hreinum úrslitaleik um efsta sætið í riðlinum. Jafntefli gæti nægt Englandi.
Leikurinn fer fram í Kalíníngrad en gistiaðstaða enska liðsins þar hefur vakið athygli.
Í frétt Mirror segir að hótel liðsins sé við hliðina á strippklúbbi við götu þar sem mikið er um að vera í miðbæ Kalíníngrad.
Leikurinn fer fram í Kalíníngrad en gistiaðstaða enska liðsins þar hefur vakið athygli.
Í frétt Mirror segir að hótel liðsins sé við hliðina á strippklúbbi við götu þar sem mikið er um að vera í miðbæ Kalíníngrad.
Hótelið er rétt hjá aðaltorgi Kalíníngrad þar sem stuðningsmenn munu drekka og skemmta sér langt inn í nóttina.
„Ég trúi því ekki að fótboltalið ákveði að gista þarna degi fyrir leik," sagði Ivan Torbinski, viðskiptamaður í Kalíníngrad, við Mirror.
„Það verður mikið um að vera og það verða mikil læti um nóttina. Pobedy-torg er augljós staður fyrir stuðningsmenn til að koma saman, drekka áfengi og skemmta sér."
„Strippklúbburinn opnaði nýlega og er mjög vinsæll. Mörg hótelherbergin eru með útsýni á hann."
Athugasemdir
