Espanyol er á botni spænsku deildarinnar eftir 1-0 tap gegn Real Betis á fimmtudaginn.
Abelardo Fernandez hefur verið rekinn úr þjálfarastól félagsins enda er Espanyol átta stigum frá öruggu sæti þegar sjö umferðir eru eftir.
Abelardo var þriðji þjálfari Espanyol á tímabilinu þegar hann tók við liðinu í lok desember.
Espanyol gæti fallið úr efstu deild spænska boltans í fyrsta sinn í næstum þrjátíu ár. Liðið féll síðast 1993 en fór beint aftur upp.
Espanyol hefur fallið fjórum sinnum úr efstu deild í sögu sinni en alltaf komist beint upp aftur.
Francisco Rufete tekur við liðinu tímabundið.
Athugasemdir