Frétt hefur verið uppfærð
Búið er að fresta leik KFG og Ægis í 3. deildinni en leikurinn átti að fara fram í Garðabænum í dag.
Leikmönnum Ægis var tilkynnt það á Facebook svæði að leikmaður KFG hefði verið greindur með kórónaveiruna og því yrði leiknum frestað.
Það varð þó einhver misskilningur í gangi því samkvæmt upplýsingum okkar hefur enginn leikmaður KFG verið greindur með veiruna. Einhverjir leikmenn liðsins gætu hinsvegar verið á leið í sóttkví en beðið er eftir því að smitrakningarteymið skili af sér.
Leikmaður karlaliðs Stjörnunnar hefur verið greindur með veiruna og verið er að sótthreinsa svæðið í Garðabænum.
Búið er að fresta leik KFG og Ægis í 3. deildinni en leikurinn átti að fara fram í Garðabænum í dag.
Leikmönnum Ægis var tilkynnt það á Facebook svæði að leikmaður KFG hefði verið greindur með kórónaveiruna og því yrði leiknum frestað.
Það varð þó einhver misskilningur í gangi því samkvæmt upplýsingum okkar hefur enginn leikmaður KFG verið greindur með veiruna. Einhverjir leikmenn liðsins gætu hinsvegar verið á leið í sóttkví en beðið er eftir því að smitrakningarteymið skili af sér.
Leikmaður karlaliðs Stjörnunnar hefur verið greindur með veiruna og verið er að sótthreinsa svæðið í Garðabænum.
Þetta er fyrsti leikurinn í karlaflokki sem er frestað vegna Covid-19 síðan Íslandsmótið hófst. Áður hafði fimm leikjum í kvennaflokki verið frestað.
KSÍ hefur ekki staðfest frestun á leik Stjörnunnar og KA í Pepsi Max-deild karla (sem á að vera á morgun) en í gærkvöldi var greint frá því að leikmaður Stjörnunnar hefði greinst með veiruna.
Kvennalið Breiðabliks og KR fóru í sóttkví eftir að leikmaður Kópavogsliðsins, sem hafði verið í Bandaríkjunum, greindist með veiruna.
Athugasemdir