Carlos Tevez, fyrrum sóknarmaður Man Utd og Man City, hóf atvinnumannaferilinn með Boca Juniors í Argentínu og ætlar að ljúka honum hjá sama félagi.
Þessi 36 ára gamli sóknarmaður hefur verið hjá Boca í tvö og hálft ár og er hann samningsbundinn félaginu þar til í desember.
Tevez segist ætla að vera áfram hjá Boca þrátt fyrir Covid pásu og ætlar hann að leggja 100% launa sinna í góðgerðarstarfsemi.
„Ég verð áfram hjá Boca. Samningurinn gildir til desember 2020 og ég mun gefa 100% launa minna í góðgerðarstarf," sagði Tevez.
„Ég á eftir að ákveða hvert launin mín munu renna en það verður skrifað í samninginn. Ég vil ekki peningana."
Athugasemdir