Ásmundur Arnarsson var ekki nógu sáttur með tap sinna manna gegn Val fyrr í kvöld en leikurinn endaði 3-1 fyrir Val. Valur kom sér á topp deildarinnar með sigrinum en Fjölnismenn sitja enn á botni deildarinnar án sigurs.
Lestu um leikinn: Fjölnir 1 - 3 Valur
„Það er alltaf súrt að tapa, ég hata að tapa og þetta var ekkert öðruvísi í dag, svekkjandi og súrt að tapa.''
Fjölnir hefur átt nokkra góða spretti í deildinni en hafa ekki náð í sigur, hvað er að klikka?
„Ég er ánægður með strákana að mjög mörgu leyti, ef maður lítur til baka að þá er kannski einn leikur sem við erum virkilega óánægðir með.''
„Stundum eru hlutirnir sjálfum okkur að kenna og stundum er auðveldara að dæma á móti okkur en hinum, það allavega virðist vera þannig en við þurfum bara að hafa trú á verkefninu áfram.''
Viðtalið í heild sinni má sjá hér að ofan en þar talar Ási meðal annars betur um leikinn, vandamál liðsins, Sivebæk og gluggann framundan.
Athugasemdir
