Lestu um leikinn: Kórdrengir 1 -  1 Þróttur V.

Kórdrengir fengu úrval af færum í leiknum en ná bara að skora eitt mark. Hvað fór úrskeiðis í sóknarleik Kórdrengja í kvöld?

„Já það var líka þannig á móti Selfossi. Við vorum með algjöra yfirburði í þeim leik, en vorum í basli fyrir framan markið. Við vorum ekki með algjöra yfirburði í dag en við vorum samt sem áður í basli fyrir framan markið sem við erum að vinna í að laga."

Þórður Már, dómari, var ekki á deginum sínum í kvöld og var mikill hiti inn á vellinum. Mikill pirringur var inn á vellinum og sérstaklega í síðari hálfleik.

„Maður má aldrei commenta á svona, þá verður maður bara litinn einhverju hornauga. Það er erfitt að segja eitthvað um það. Ég vill helst bara segja sem minnst um það, þetta er bara eins og það er og við verðum að taka því sem kemur."

Leikurinn gat dottið báðum megin en það var sótt á báða bóga síðasta korterið í kvöld.

„Já, þetta opnaðist gríðrlega undir lokin. Við byrjum leikinn gríðarlega vel og vorum frábærir fyrstu 15-20 og það var upplegg okkar að byrja með krafti. Við vorum virkilega ósáttir með tapið á móti Selfossi og ætluðum að mæta hér til leiks í dag og sækja stigin þrjú. Svo róast leikurinn aðeins niður og fer að snúast um allt annað en fótbolta, mikið um baráttu og þetta verður svona baráttuleikur, verður hálf leiðinlegur fótbolti. Auðvitað hefðum við geta unnið þetta í lokin."

Viðtalið í heild sinni má sjá í sjónvarpinu hér að ofan.