Eins og staðan er núna þá mun Wigan Athletic spila í C-deild á næstu leiktíð. Tólf stig voru tekin af félaginu eftir að það fór í greiðslustöðvun og þess vegna féll félagið. Ef ekki hefði verið fyrir þessi tólf stig þá hefði Wigan endað um miðja deild.
Wigan hefur áfrýjað þessum -12 stigum og verður sú áfrýjun tekin fyrir í lok mánaðarins. Svo gæti farið að niðurstöðunni verði breytt og Wigan verði áfram í Championship-deildinni.
Ef tólf stigum verður bætt við stigafjölda Wigan þá mun Barnsley fara niður í staðinn.
Verið er að reyna að finna nýja eigendur fyrir Wigan en hægt er að lesa um það sem gerðist fyrir félagið í greinni hér að neðan. Það er í rauninni lyginni líkast.
Sjá einnig:
Hvað gerðist eiginlega hjá Wigan?
Athugasemdir
