Gary Martin skoraði þrennu fyrir ÍBV er liðið lagði Þrótt að velli í Lengjudeild karla. Leikurinn fór fram í Vestmannaeyjum.

Eyjamenn komust yfir undir lok fyrri hálfleiks þegar Martin skoraði með það sem átti að vera fyrirgjöf.

Þróttarar voru inn í leiknum alveg fram á 85. mínútu en þá skoraði Gary sitt annað mark. Hann fullkomnaði svo þrennuna í uppbótartímanum.

Lokatölur 3-0 fyrir ÍBV sem fer á toppinn í Lengjudeildinni, alla vega í skamma stund að minnsta kosti. Þróttur er í næst neðsta sæti með aðeins eitt stig eftir átta leiki. Liðið er búið að skora þrjú mörk í fyrstu átta leikjum sínum.