Frá skrifstofum KSÍ í Laugardal.
Greint var frá því í fréttum á RÚV í kvöld að KSÍ barst tölvupóstur frá föður konu sem varð fyrir ofbeldi og grófri kynferðislegri áreitni af hálfu landsliðsmanns árið 2017.
Þórhildur Gyða Arnarsdóttir steig fram í fréttatímanum og sagði sögu sína.
Hálfu ári eftir að Þórhildur varð fyrir ofbeldinu ætlaði faðir hennar að fara á vináttulandsleik. Þegar hann áttaði sig á að umræddur fótboltamaður væri í landsliðshópnum sendi hann starfsmönnum KSÍ tölvupóst og greindi frá kærunni.
Þórhildur Gyða Arnarsdóttir steig fram í fréttatímanum og sagði sögu sína.
Hálfu ári eftir að Þórhildur varð fyrir ofbeldinu ætlaði faðir hennar að fara á vináttulandsleik. Þegar hann áttaði sig á að umræddur fótboltamaður væri í landsliðshópnum sendi hann starfsmönnum KSÍ tölvupóst og greindi frá kærunni.
Guðni Bergsson, formaður KSÍ, svaraði póstinum en auk hans voru starfsmenn KSÍ, en ekki stjórnarmenn, sem fengu póstinn sendan.
Samkvæmt heimildum Fótbolta.net var pósturinn ekki tekinn fyrir á stjórnarfundi sambandsins heldur fór málið í annan farveg.
Pósturinn var sendur á [email protected] en auk Guðna var hann sendur til Klöru Bjartmarz framkvæmdastjóra sambandsins og nokkurra starfsmanna; Gunnars Gylfasonar, Hauks Hinrikssonar, Jóhanns Ólafs Sigurðssonar, Óskars Arnars Guðbrandssonar og Þorvalds Ingimundarsonar.
Eins og áður sagði þá svaraði Guðni póstinum og sagði að málinu væri tekið alvarlega. Leikmaðurinn hefur þó verið valinn í landsliðið áfram.
„KSÍ veit af ofbeldinu og velur að vera með gerendur ofbeldis innan sinna raða," sagði Þórhildur meðal annars í viðtalinu á RÚV.
Athugasemdir
