Í dag var dregið í riðlakeppni Evrópudeildarinnar. Riðlakeppnin hefst 16. september og eru leiknir sex leikir í riðlinum. Dregið var í átta riðla, liðin sem vinna riðlana sitja hjá í 32-liða úrslitum því þar mæta liðin sem enduðu í öðru sæti sinna riðla þeim liðum sem enduðu í þriðja sæti síns riðils í Meistaradeildinni.

Hér að neðan má sjá riðlana.

Ensku liðin Leicester og West Ham voru í pottinum. Leicester er í hörku riðli og mætir Napoli, Spartak Moskva og Legia frá Varsjá. West Ham mætir Dinamo Zagreb, Genk og Rapid Vín.

Mikael Anderson og félagar í Midtjylland eru með Braga, Rauðu Stjörnunni og Ludogorets í F-riðli.

Úrslitaleikur keppninnar fer fram á Ramón Sanchez-Pizjuan leikvanginum, heimavelli Sevilla. Sá leikur fer fram 18. maí. Villarreal er ríkjandi meistari eftir að hafa unnið Manchester United í úrslitaleik í vor.