Borussia Dortmund vann sinn annan sigur í þýsku Bundesligunni í sumar í kvöld er liðið mætti Hoffenheim á heimavelli.

Dortmund tapaði seinasta leik sínum óvænt 2-1 gegn Freiburg eftir að hafa sigrað Frankfurt í fyrsta leik.

Þeir gulklæddu höfðu betur með þremur mörkum gegn tveimur og vantaði ekki upp á dramatíkina undir lokin.

Hoffenhei jafnaði metin á 90. mínútu í 2-2 en mínútu seinna skoraði Erling Haaland sigurmark Dortmund og lokastaðan 3-2.

Dortmund fer á toppinn í bili með þessum sigri en önnur lið fyrir neðan eiga þó leiki til góða.